政棍做show抽水，似乎係冇分男女老幼嘅，而無論係「中箭」班後生仔，又或者民主黨嘅一嚿雲（黃碧雲），抽水行為都好似司馬昭之心咁路人皆知。話說因為「山竹」襲港關係，教育局前晚已經宣佈全港學校停課，咁多個教育團體、政黨都曾經出聲爭取，唯獨是一嚿雲有勇氣獨攬功勞，前晚喺facebook出post話「教育局已接納民主黨建議」喎。有網民就啜核表示︰「雖然雨係大，但係都唔使你來抽水。」
一嚿雲其實自己都出過post話教協爭取停課，但教育局一宣佈停課，佢就話係「接納民主黨建議」，唔少網民留言恥笑佢嘅肉酸邀它甈陛C
「Harry Wu」直言︰「好多政黨都有要求，唔係你民主黨獨享，笑死！」「Chung Yeung Yu」嘲笑︰「唔×過唔安樂，你估賣民主黨第一個講呀？」
「Rocena Lee」揶揄︰「原來『正苦（政府）』咁聽你地（哋）話架（㗎），咁5（唔）爭在聽日同『正苦（政府）』爭取埋『真普選』啦死政棍！」「梁爽」疑問︰「你打呢段野（嘢）果（嗰）時究竟有冇笑？」「Chung Yu Sze」亦話︰「我真係好懷疑民主黨既成員都有智力問題。」
有啲網民仲同佢鬥派膠。「Chris Chan」話︰「其實系（係）我向民主黨提議架（㗎）。」「HL Tang」加入競爭︰「其實係教育局按照本座命令而發出停課令。」「Derek Tam」就模仿反對派口吻︰「今日係教育界最黑暗既（嘅）一日。」
唔少建制派中人都罕有咁幫一嚿雲「宣傳」喎。民建聯立法會議員何俊賢出post話︰「全港為災而憂心，準備善後工作，聽（昨）日停課甚至停工都係合理，你民主黨咁鍾意抽水去發災難財，我就幫你弘揚四海！」
自由黨深水埗區議員李梓敬亦揶揄︰「嘩，多謝晒喎！真係全靠你，學生聽（昨）日先有得放假。」
有見今日都停課，李梓敬再補刀︰「教育局宣布（佈）聽（今）日所有學校繼續停課，厲害，黃碧雲又成功爭取！」 ■香港文匯報記者 甘瑜