鄭秀文香港文匯報訊 鄭秀文（Sammi）早前為珠寶品牌拍攝宣傳片。拍攝當日，Sammi穿一身火紅晚裝裙，穿梭四個不同的場景。
Sammi在片內提到如果能擁有超能力的話，她希望變成透明，這樣她便可以穿透人心，知道別人內心的需要，才能用歌去感染別人，「有咗變透明嘅能力，我就可以知道更多人嘅內心需要，睇吓點樣幫助佢哋。同埋我可以將呢種對人內心嘅理解能力，放喺我嘅歌詞入面，令到我嘅歌更加有感染力。當然我希望歌迷聽完會搵到一個新方向、一個更加正面嘅途徑去繼續自己嘅生活，變得更自信，好似鑽石咁發出光芒。」
對於愛情，片中提到「愛」字是一個「受」字加個「心」字，是來自Sammi的一首國語歌《愛》中的歌詞！Sammi認為處理每段關係，除了接受對方的心，同時要識得付出愛，是一種畢生學習。「我搵到佢（許志安），亦都圓滿咗我自己、搵到自己。愛係連繫兩個人嘅最重要橋樑，我哋兩個一直相處，日對夜對，我好開心可以影響佢，希望佢嘅運動量可以再增加多啲，人都健康啲，同埋希望兩人可以一齊去學下唔同嘅新運動啦！」