第七場､第四班､一六五○米。「埼豐」上季總共跑過十五戰，喺季初一鼓作氣連取三W，而今季減至四十三分跑過三仗，頭兩仗皆無功而還，惟上賽配巫顯東爭此程排內檔起步，憑內檔之助切入搶放爆出冷W。至於今次加五分續戰此程，於騎師賽場合抽到卡素蘭奴火燒唔會熱，慎防擺前走再爆冷門。
第八場､第三班､一六五○米。「星運判官」六歲灰馬仔季內四次出賽，第二仗喺三班同程後上力挫「紅旗星將」，加分後兩戰谷草及田草一哩皆跟跑而回；今次小休月餘再爭同程，抽到好手李慕華執韁，絕對有力施放冷箭。
第九場､第二班､一八○○米。「包裝騎士」上季共取得兩W，兩場頭馬更是打疊取到，由谷草一哩贏到千八，因此評分大幅增加，喺下半季馬房便部署減分。而今季跑過四仗，唯一上名喺谷草千八後追跑入第三，再經過兩場落敗，今次沿用潘明輝跑番谷草千八，小心攤到凍晒冷門爆鑊金。