■河童喺fb話主辦單位整咗十幾件印咗坉蚍�嘅朱古力，被網民寸佢扮不經意認叻。 黃之鋒fb圖片「香港眾志」秘書長河童（黃之鋒）近日攞咗美國一個所謂「人權獎」，點知因為保釋條件限制唔能夠去華盛頓領獎，冇得認叻，而且仲冇咩人關注，所以就借啲意喺fb發帖，話大會整咗十幾件印有佢個樣嘅朱古力，話「真係難以理解點解要食自已（己）個樣落肚」喎。有網民就一語道破：「佢想話俾（畀）人知自己拎『人權獎』同時又想扮不經意不在乎啫！」
美國蘭托斯人權與正義基金會（Lantos Foundation for Human Rights & Justice）畀咗個獎河童，而頒發禮近日喺美國華盛頓舉行，但佢就因為仲有官司在身等候上訴，護照被法庭扣起不可離港，所以要由羅三七（羅冠聰）同周庭代領取。
踩禮物騎呢為自己貼金
冇得親身攞獎做大龍鳳，加上呢單嘢好似真係冇咩人留意，好鍾意出風頭嘅河童梗係唔多開心啦，但冇理由日日提自己攞咗獎啫，所以佢就轉彎抹角咁上載咗十幾件印咗坉蚍�嘅朱古力，話係主辦單位附送嘅，仲「問」道：「真係難以理解點解要食自已（己）個樣落肚，係咪美國文化來的？」
「熱狗」一班人就睇唔過眼嘞。「熱狗」網台主持伍淑儒就話：「好冇禮貌，人地（哋）送禮物比（畀）你，你出個咁嘅post......」「Rico Li」道：「無人想知點處理有你個×樣的朱古力。」「Nelson Ho」就寸佢：「自己都覺得自己個樣唔開胃。」
「JH Hung」就一語道破：「想話俾（畀）人知自己拎『人權獎』同時又想扮不經意不在乎。」「John Tam」亦道：「中二病到一個程度， 死都要兜個圈話畀人聽佢攞獎，但輕佻到一個地步同侮辱主辦單位冇分別。」「陳雪人」就話：「想出post咪出囉，但硬係要踩住人來抬高自己。」 ■香港文匯報記者 陳川