九龍西立法會議員陳凱欣，喺參選之前擔任九龍社團聯會健康大使，包括《蘋果日報》等反對派就經常以「陳健康」嚟單打吽C全國政協副主席梁振英近日發帖，話《蘋果》重提「陳健康」呢三個字，係「自揭墮落醜事」。
梁振英喺fb發帖形容，「《蘋果》的編採人員水平越來越差，竟然不知道陳健康是《蘋果日報》墮落的標誌。」
佢話任何人Google「陳健康」三個字，都可以搵到20年前嘅一單新聞。
話說喺1998年10月19日，男子陳健康喺深圳包二奶令妻子不悅，陳妻將兩名兒子從上水天平邨住所拋落地下，然後跳樓自殺身亡，轟動全港。
當年，《蘋果日報》記者為咗「造新聞」，竟然喺事後畀咗陳健康5,000港元召妓，仲拍低「獨家照片」，引起公眾嘩然。
回帶「陳健康」唔知醜
呢件事，已成為咗探討香港傳媒專業操守的案例及教材。梁振英話：「教通識的老師，可以用陳健康事件作為教材。」
■香港文匯報記者 陳川