第六場､第四班､一二○○米。「慣勝積極」今季轉投丁廄，上仗出爭泥地千二，由於賽前打磨工夫未夠，狀態未係十足之下都有個第二；今次唞足月餘再爭此程，排八檔走二疊放又得跟又得，加上兩次出爭田夜賽事跑獲冠季各一，且看潘頓可否替呢匹尺寸馬打開季內勝門。
第七場､第三班､一二○○米。「安喜」季初喺韋達胯下一放到底贏馬，無獨有偶麥菲文上季在港設廐從練，都係靠牠打開勝門，不過隨着麥斐痍雃蚋鄑諵j摩，跑過四戰只得一次第三；自上仗拚後運往從化備戰，今次更換配備轉戰泥地短途搵潘頓操刀，過往牠在此程曾與「上簽」串Q，今仗絕非湊興。
第八場､第三班､一八○○米。「贏科超影」季內跑過六仗，頭兩仗喺谷草一哩取得一冠一季，打後隔紗換巴度轉戰泥地一哩與「蒙古傳奇」串Q；最近兩仗回師谷草一哩皆未見成績；今次復跑泥地一哩起用陳嘉熙減至一一三磅出師，對於呢匹一千磅左右嘅細粒仔來講可賺盡形勢，屆時冷門捧場有想頭。