■黃心穎在IG出post撰文認錯。香港文匯報訊 樂易玲昨早透露有聯絡到黃心穎，指對方感到好後悔，並覺得對唔住馬國明，樂小姐表示：「昨（前）日好多記者搵我，我話想沉澱一下點去處理這件事，同公司及同事商量點去回應。昨晚同心穎傾咗好耐，佢好後悔好後悔，佢知道自己犯咗好大嘅錯，佢好對唔住受牽連嘅人，特別係父母及家人，對唔住公司，對唔住馬明同馬明嘅屋企人。呢一刻佢嘅情緒仍然未平伏。公司覺得佢需要休息一段時間嘅。」
昨日下午，女主角黃心穎終於「甫頭」，在IG出post撰文認錯：「對不起，我做錯了。是我做了非常錯誤、難以令人原諒的事，感到十分羞愧、歉疚。我在此向所有受事件影響及受到傷害的人誠心由衷道歉。犯下如此嚴重的過錯，我無法面對自己，也不知道怎樣去面對家人、馬明、朋友、公司、同事......不敢奢求大家的原諒，只懇求大家能給予所有受牽連的人一點空間。我認真反省自己的過失，接受懲罰承擔後果。再一次，『對不起大家』」。香港文匯報記者以短訊慰問黃心穎，她以「多謝鼓勵」回應。
心穎新劇及主題曲遭抽起
無綫翡翠台原定繼《鐵探》後於5月13日晚上9時半時段播出由黃心穎主演的劇集《堅離地愛堅離地》，現改為播映由潘嘉德監製，楊明、高海寧、湯洛雯等演出的《婚姻合伙人》。此外，8點檔劇集《開心速遞》的主題曲《在心中》由黃心穎主唱，「安心偷食」事件令心穎形象插水，不少網民要求無綫更換主題曲，無綫昨晚亦將心穎主唱的版本換成純音樂版。