■區家寶公開與梁國雄及曾健成有關錢銀方面的WhatsApp對話。 fb截圖反對派每次搞遊行，其實主角都係籌款，相信今日反對派舉行嘅反修例遊行亦不例外。不過，捐款者要小心，你以為啲錢係幫某個人，結果啲錢原來會去咗第二度。「保釣行動」成員郭紹傑同社民連嘅嚴敏華，早前去咗日本靖國神社燒嘢抗議，結果被捕，「保釣」同社民連就即時為兩人籌旗。以為啲錢會用喺支援兩人？少年你太年輕了！嚴敏華之母區家寶近日就喺fb發帖，叫人唔好再為此事捐款畀社民連同「保釣」，話「不忍大家浪費了血汗錢而又達不到協助郭嚴的心願」喎，係咪暗示有人中飽私囊呢？
郭嚴保釋被拒 「救款」去向不明
郭紹傑和嚴敏華去年在日本放火焚燒神主牌被日方拘留至今。其間「保釣」多次籌款，稱用來「營救」兩人，包括籌措兩人的保釋金，但其後兩人不獲准保釋，這筆錢的「去向不明」。
嚴敏華媽媽區家寶就在fb發帖，展示了她與「長毛」梁國雄，以及「阿牛」曾健成有關錢銀方面的whatsapp對話，並呼籲市民不要捐錢給在港關於營救郭嚴的活動。
「毛牛」懶理停捐款呼籲
她稱，「現時主要角色是日本方面的......若幫助都只是給日本後緩（援）會」，而自己不忍大家「浪費了血汗錢而又達不到協助郭嚴的心願」，又強調自己已給予時間讓長毛、阿牛等人糾正，但他們並沒回應，只感到「無可奈何」。
網民「Ringo Yau Ringo Yau」直言：「重點係明明保釋唔到，啲錢點解唔比（畀）返人呢，好救命。同埋事後真係要咁多錢咩，好懷疑。」「Dick Tse」就「畫出腸」：「吓，有人乘機斂財？」「Norris Ng」道：「呢類人令大眾失望，睇清佢地（哋）真面目，唔再支持佢地（哋）。」
「Vicky Ng」亦爆大鑊：「郭嚴二人固然有錯，就系（係）跟錯大佬信錯人，依（呢）班人賣兄弟黨友豬仔然後叫人捐錢救人......難得有好心人2,000、幾百咁捐，想佢地（哋）可以保釋到，（但）跟（根）本佢地（哋）系（係）唔付（符）合保釋條件都叫人捐錢，好多有心人可能自己都唔系（係）鬆動嘅，一心想盡點心意......如果唔同曾經捐款比（畀）佢地（哋）保釋用嘅人發聲，我覺得咁（係）唔公道，仲有據我了解嘅區家寶平時都系（係）好客氣，好顧他人感受的一個長輩，要佢咁追錢，應該已經追左（咗）一段時間而無結果先會咁。」
前車可鑑，如果有計劃喺今日反對派反修例遊行時捐錢畀政黨嘅，可能都要停一停，諗一諗囉！
■香港文匯報記者 陳川