第三場「盛大光輝」二月份初跑谷草一哩即爆大冷贏馬，與「安騏」鬥至平頭冠軍，後駒目前最新評一百分，而「盛大光輝」評七十二分跑三班賽優勢自不言而喻，今次重返勝途列陣又可講惡。「劍追風」性能為均速中距離馬，近期一再縮程跑千二米短途擺明志不在此，今次終於加程重返一哩列陣，臨場賠率回升更加值博。
第四場「新威龍」前仗不敵「勝得精彩」得第二，上仗強手已去立即順利補中而回，賽後只加五分便宜莫甚，沿留四班角逐有力再建一功。「獎進」三歲馬型格四正腳法嫻熟，在港初出捧成大熱但倒灶而回，熱身後再出已跑得第二名，同主「大進」、「同進」往日都係專攻谷草賽事，估計「獎進」出擊模式一模一樣。
第五場「活力勇士」近戰專攻谷草一哩表現相當穩定，在四班惡氣十足，交出水準穩位望贏。「夢幻戰士」與現役澳門賽駒「好友勁」同母，前駒在當地曾五捷千二至千五米，估計一哩合腳法，同主馬以往頗為急進，熱身後越程而來殺機已動。
第六場「金鼓齊鳴」上場初跑谷草一千米都衝入第四名，走勢予人眼前一亮之感，汲取一次場地經驗再來必可提升名次。「紅旗星將」上仗火併「載譽歸來」勝出見級數，復課再試泥閘催谷唔收手，估計幕後會把握機會盡用一時。
第七場「真先生」歷來三場頭馬俱出自谷草千二米，現評七十四分屬服役新低料已有力迴旋，憑較高班底可與對手一拚。「電訊驫馬」來港三戰表現拾級而上，上場谷草一千米更跑第三錄得上名，今次加程更合有力爭出頭。
第八場「好吉利」來港一出即勝谷草千二米，經已奠定窄場專家地位，今季由麥菲文加盟大摩成功在泥地贏馬搵到新出路，今次重返起家途程只會更合適，曾掛頭牌贏馬負重都唔怕。「順勢寶」歷來四捷全部出自谷草千二米，近仗揀跑泥地及田草直路賽明顯留有以待，而且都所負不遠，兜兜轉轉返食胡程現真身。