【資料速遞】勝感轉場有權變身

2019-05-21

「勝感」三歲澳洲馬，係馬會主席周永健與昔日同窗唐慶元夾份擁有，早二十年前，周永健主席已有隻團體馬「勝感」，喺希斯旗下一出即贏，之後六捷贏到上一班，如今舊名重用，可見寄望甚大。新呢隻「勝感」來自南澳卡士唔高，兩歲初出跑第二後，被嗰位新馬主睇中，買咗俾練馬師郭朗慢慢養，等足一年一出即勝，郭朗就係幫「紀利雄星」打底嗰位，呢個中小型馬房經常自己入貨，有質素嘅馬，只要價好都會賣，「勝感」就係其中之一，咪睇出身寒微，再有進步下可企穩七十一分，在港初出直路賽熱身後轉場谷草，不妨買定啲先。