香港文匯報訊（記者 梁靜儀）陳曉華、鄧卓殷、張寶欣、翟威廉及丁子朗等，昨日到油塘出席TVB明珠台劇集《FBI》記者會， 眾人分組玩遊戲，翟威廉及丁子朗更即場做掌上壓。
一身型格打扮現身的陳曉華，下星期便開工拍攝新劇《網絡騙案》，因飾演警察為此特別找教練鍛煉體能，每日跑步半個鐘頭，她笑說：「體能都算合格，但教練話我第一日都扮到嘢，但跑唔夠兩分鐘就好吃力。」 此外，她又稱雖未知道劇中可要開槍，但已煲劇練習揸槍手勢。問到拍劇時間日夜顛倒，可會捱得來？她笑說：「以前做實習護士時都係咁，慣咗日夜顛倒，隨時可以瞓得着，反而夜晚就瞓唔到。（會唔會拍一套就嚇怕咗？）唔會，希望一套接一套。」
張寶欣表示正修讀國際管理學碩士學位，將於八月畢業，至於去向則未去想，她說：「順其自然，睇公司安排。（想唔想拍劇？）都想，綜藝節目都可以，不過我做主持仲要訓練吓。」
她又透露近日投資了五位數字開設網店售賣保健食品，因自己食用了一年，覺得很好所以推介給朋友。她指網店已運作了一個月，朋友及家人都很支持，自己都有落手落腳去做，預計用一年時間去經營。