朱晨麗香港文匯報訊 朱晨麗（朱朱）早前為瘦身產品拍攝電視廣告，穿上粉紅色低胸裙的她，不經意騷深長事業線，非常吸睛，別看鏡頭前朱朱非常精靈，其實拍攝前一晚還在為劇集開大夜班，收工返家小睡片刻便投入廣告拍攝，還應要求擺出不同甫士，完全表現專業交足戲，沒有露出半點疲態，絕對是鐵人一名。
拍攝過程換了三、四個造型，朱朱笑言期待廣告出街的反應：「第一次拍瘦身廣告，呢個品牌都係第一次搵藝人拍。（咁性感，酬勞好高？）好滿意囉！睇客戶要求啦，我會盡量配合，之前着Bra Top影一輯平面相，呢輯就會喺各大平台同電視都睇到，算係處女下海試水溫，我未試過拍呢類廣告，亦未試過着到咁去拍，兩次都着成咁樣，其實我平時好少咁着！」