■李施嬅漏口風稱好友杏兒應該會繼續生仔。香港文匯報訊（記者 梁靜儀）李施嬅和劉心悠昨早到科學園出席慈善跑活動，施嬅並落場參加三公里賽事，她表示平時也有做運動，但因血壓低容易暈，故拉埋是運動健兒的堂妹傍實，希望盡力而為，同時宣傳保育訊息。她又透露前一晚與好友陳茵媺（Aimee）去睇演唱會兼飲酒：「以前都會同Aimee去飲酒放鬆一下，但佢現在要專注湊仔，我知今日(昨日)要早起跑步，所以都倒了好多畀佢飲，陳豪有來車我們，好Sweet。」
提到其好姊妹胡杏兒日前舉行Baby Shower，施嬅也有份出席，問到杏兒今胎生B仔或是B女？已知道BB性別的施嬅就口密未有透露，表示還是留給杏兒自己宣佈，不過她就漏口風說：「佢之後應該會再生，(追多個女？)起碼生三個，李家幾注重小朋友，生三個係最低限度，之後會有好多女、好多仔，相信杏兒未來幾年都好忙，keep住生仔。」
之前已約滿無綫的她興奮宣佈最近簽了一間美國經理人公司Authentic，成為「Captain Marvel」Brie Larson的師妹：「但淨係簽了美國，亞洲部分都係我自己搞，工作仲傾緊，所以之前《法證先鋒IV》重拍個期有點複雜。（之後集中在美國發展？）呢一年應該都需要去美國工作，電視劇同電影兩樣都會有，都可能有機會去荷里活發展，開心的。」
心悠一條牛仔褲穿廿年
以環保保育基金大使身份為慈善跑主持鳴槍儀式的心悠，賽前又一起為跑手打氣，她表示很支持環保：「受溫室效應影響，之前去完北極參加馬拉松，見到少了好多好多冰山，北極熊冇嘢食就會餓，繼而就會絕種影響生態。」她表示可以在日常生活中響應環保，例如會少用塑膠、天氣熱開冷氣時不會將溫度調得太低，以及少食肉，問到她是否全都做到？她說：「自己講得出都會做，仲有開工時會自備飯盒同餐具，一條牛仔褲都可以穿廿幾年，因為咁舊捐出去都冇意思。」