黃淑蔓香港文匯報訊（記者 梁靜儀）女新人黃淑蔓 (Feanna)今個月8號將踏入十八歲，唱片公司特別在當日為Feanna發行首張個人專輯及舉行生日音樂會為其「成人禮」揭開序幕。說到拍攝唱片封套的趣事， Feanna就遇上大麻煩，她在現場一時全身僵硬像個機械人，一時又蹦又跳自由自在，問題全因高跟鞋。Feanna說：「十八歲，變大人就要試以前未試過的，但最悽慘當然係要着高跟鞋，究竟邊個發明高跟鞋呢？着了之後對腳好似唔係自己咁，擺唔到甫士，一唔着我就全身都好 free，着了好虐待啊。」
話雖如此，但她還是十分期待十八歲的來臨，因她將會收到人生中最大的一份生日禮物，Feanna 笑說：「我今年生日就會出第一張唱片專輯，會記錄我由十四歲到十八歲所經歷過的人同事，八首歌當然會包括《差一點我們會飛》，因為係呢隻歌帶我入樂壇，令我可以勇敢去追夢，同時亦都會用呢首歌說成長概念去發展成張唱片，呢張唱片最特別係出名又大又重。」為了令歌迷眼前一亮，她透露新唱片會擺脫文青少女形象，會有兩款西裝外套併 Tube Top 及她從未試過的魚網絲襪造型。
此外，唱片公司更特別在當日為Feanna舉行一個生日音樂會為其「成人禮」揭開序幕，屆時會請來她的家人、朋友、同學一起見證她的成長。對於快將踏入十八歲，Feanna 感到十分複雜又帶點遐想：「一直希望快點成年，幻想自己可以去邊可以做乜，覺得十八歲就好了，但𠵱家倒數階段了，反而擔心自己變大人之後，怕冇咁多人錫我，做事唔犯得錯，變大人要自己負責任，所以𠵱家會想唔好咁快十八，想十七歲多一年先，可以再玩。」Feanna 又希望 DSE 考到好成績順利入大學，並且在音樂方面也有好成績，毋負大家對她的期望。