第三場「神乎其技」霍利時接手時狀態普通，因此轉倉頭幾場欠走勢，但近期已在陣上追近，今趟轉場泥地一哩，對手不強之下應可見真章。「金禧足球」評分減至二十分以下水平已具競爭力，易廄後近兩仗走勢令人滿意，今場繼續面對一群殘兵五十步笑百步，計數居此已經有反撲能力。
第四場「鴻圖福星」款頭吸引，上次谷草大熱只得第三肯定幕後有損失，今次轉來泥地對手減弱，可望補中本利歸還。「靚跑得」來港初期因為傷患問題影響了進度，無疑至今仍屬三零部隊令人失望，惟今季加盟葉廄後順利養回健康，近仗走勢確有起色，班利可恃有力破悶局。
第五場「天賜寶」勤拚下季尾順利跑起狀態，早前先贏田草千四米，之後轉泥地順利輕鬆再捷，目前仍居四班贏盡卡士，只要保持剛戰水準，有望再下一城。「星叻」三歲質新馬來港第二場已在泥地千二米建功，上場轉去谷草只屬過渡性質，恃質素及當起之銳，絕對有討價還價本錢。
第六場「旋里多彩」上場泥地千二米後上走勢可用如狼似虎形容，最後只以短距離受制跑第二名，今次捲土重來交代決心明顯。「地大大」目前已證明泥地此程最合腳法，所以上場草地落第賽績不用計數，今次重返勝途又動食指，泥地夜賽亦有經驗，屬坐位望贏之材。
第七場「精算閃擊」九戰泥地賽全跑入前四名，當中六戰千二米獲一冠兩亞三殿，今次縮程返短途，賽前贏好泥閘再三駒拍跳，部署一絲不苟，估計今場是有決心贏馬破僵局。「豹子頭」八戰泥地獲五冠一亞一季一殿，目前四歲仍有進步空間，遇上合適賽程必定打硬仗。
第八場「平海飛星」來港終於在泥地搵到出路，三戰此場地非冠即亞，上場轉去田草未盡合適，今次重返福地上陣，爭勝機會樂觀。「二郎」跑至季尾已進入佳境，前仗初跑泥地一哩快放輕鬆掄元，上場返田草順利連捷，處升軌馬今次升班減磅更有利，有權衝擊三連霸。