【資料速遞】平海飛星胸有成竹

2019-06-11

季尾出現一面倒局面，潘頓目前要風得風。馬圈形勢其實並不意外，排前列的田泰安騎功如何大家心中有數，莫雷拉今季仍受制蔡廄主帥身份愛莫能助，排第四的何澤堯亦越戰越勇，但季內有實力坐騎同樣被一哥截糊。潘頓開聲攞馬跑，馬主練馬師當然樂意奉上，再睇李寶利、史卓豐及郭能這等騎師發揮，就明白到何解香港馬圈一人獨大局面。冠軍練馬師寶座尚且有得鬥，但畢竟蔡廄兵力充足，且雷神續約到季尾，有機會直領到底，今次泥地夜賽一對王牌馬「精算閃擊」及「平海飛星」屬爭分棋子，尤其後駒近三戰泥地全入Q，胸有成竹。