■謝安琪的個唱會請老公張繼聰同家人到場欣賞。香港文匯報訊（記者 李思穎）謝安琪（Kay）接受無綫娛樂新聞台節目《StarTalk》主播許文軒(Edmond)專訪，大談將舉行個唱感受，她透露：「以前個人比較急，諗好多計劃，現在自己會放輕鬆，會享受眼前工作，咁就會有多點空間做好眼前的事。今次演唱會構思係我同Juno(麥浚龍)開始，歌單都改了好多次，每日跑步都會去想，之後仲打字咁打埋出來，好似返工咁。」
問她會否期待古天樂（古仔）同台唱歌，她笑說：「唔止我期待，Fans都好期待，我身邊朋友好得意，買飛話要買古仔那埸，但明明呢個係我演唱會，我明白觀眾對古仔有一定渴求，但今次邀請嘉賓上，會設計一些東西去合作，所以要畀時間他們考慮。」她續說：「有好多樂迷要求我同Juno、古仔的故事拍成電影，而且一路有人邀請，但我呢個故事音樂部分都未完成，所以暫時未邁向電影方面，但不排除有這個可能性，一切交由Juno決定。」
Kay說到Juno這位老闆兼拍檔便讚不絕口：「Juno對我影響好深，也加快我復出步伐，其實三年前個唱後，本身無諗住再工作，都唔知會休息到幾時，但Juno為我的演藝生涯發掘更多可能性，佢有好多睇法，當時連我自己都未有睇法，佢給到方向同信心我。」
今次Kay的個唱會請老公張繼聰同家人到場欣賞，當然阿聰大力支持老婆開騷，早前更在社交平台留言：「大家咁熟，門票又咁難買，留兩張得唔得先。」不忘放閃晒恩愛。