香港文匯報訊（記者 梁靜儀）黎諾懿與湯洛雯(靚湯)昨日返電視城為《Do 姐有問題3》錄影，兩人一組玩遊戲，諾懿表示有睇過兩集，玩遊戲應該沒難度，不過兌換率個遊戲要靠靚湯， 因她經常拍《3日2夜》飛得地方多識計匯率，大家商量過不揀非洲不知名的地方。
諾懿笑言希望可以賺返些使費，因為兒子小春雞已返幼稚園學前班很多使費。他謂兒子今日開學，太太帶兒子返學， 但忘記給兒子開學利是。
湯洛雯日前突然在網上放了一張愁爆相，表示：「有點累的感覺，身和心。」舊愛羅天宇亦有回覆，不少網民更留言叫他們復合。 靚湯隨後亦發文澄清與羅天宇只是好朋友，不是復合亦沒有曖昧。問到靚湯是否有心事？她笑說：「 每個月有幾日都會有心事。(點解甫張愁爆相？)因為好耐冇upload相，見到張舊相幾靚，咁冇理由張相唔開心寫啲字好開心，九唔搭八咁。(羅天宇係唔係唔會有機會？)唔想每次出post都扯上佢，但我哋唔會割席，因為係好好朋友。」
揚言將來都不會與羅天宇復合的靚湯，透露現時有了解中的對象，問到對方是圈內人還是圈外人時，她則不肯透露。諾懿亦祝福靚湯幸福：「佢年紀唔細喇。(有冇男仔介紹她？) 我唔係隨便介紹。」