■契仔林家棟講起契媽夏萍點滴，多次淚崩。香港文匯報訊（記者 李慶全、李思穎）資深演員夏萍（原名盧少萍）於8月5日因病離世，享年81歲，昨日於萬國殯儀館設靈，翌日早上九時出殯後，奉柩到將軍澳墓地安葬。昨晚到靈堂弔唁圈中人有張國強（KK）、謝賢、阮兆輝、雪妮唐佳夫婦、元秋、麥長青、錢小豪、黃智賢、羅蘭等，契仔林家棟表現哀傷，當提到契媽時更忍不住飲泣落淚，難捨之情溢於言表。
夏萍喪禮採用佛教儀式進行，靈堂佈置簡潔為主，中間放着一張彩色遺照，橫匾寫上「往生淨土」，中央放了夏萍子女、孫兒和契仔林家棟的三個心形花圈，其家人早已到場，家棟於4時10分穿上素服戴上口罩抵達，一臉憔悴的他先步入靈堂打點，20分鐘後再步出受訪，其間他表現激動，多次忍不住痛哭，他透露會遵照契媽意願安排土葬:「契媽生前講過想土葬，雖然佢有時講反話，但佢好驚火，所以會安排土葬。」由於外間對夏萍壽年有出入，家棟指：「契媽話自己81歲，因方便在港工作才報大一些歲數，我都係照計返佢講過的81歲，其實我不會問她太多，因她個性幾倔強，她不想講我便不問，總之她講幾多我聽幾多。」
盡趕回港見最後一面
家棟透露契媽在7月底中風，本身已有糖尿病和高血壓，所以引起併發症，她這年紀只能用藥物吊住減輕痛苦，此時，家棟傷心落淚，他哽咽說：「我得知她病重時正在雲南開工，我叫醫生盡人事捱到我返來，最後捱到二個星期，用藥物支持到我返來見到她最後一面。我們在電視台合作至今有20幾年，佢成日用粗口鬧我，幾熱情率直，我好欣賞，最開心是開工時不停用粗口問候大家，佢又好關心我，知我畀蚊咬便幫我抓癢，好似媽媽照顧小朋友一樣。」家棟激動飲泣，十分難過。
問到契媽有何遺願？他謂：「佢成日擔心自己走咗後會點，我話唔使擔心，我喺度，我可以便經常陪她，其實早於10幾年前已經想安排她入住護老院，唯遭她拒絕，後來跌倒後10小時都無人知，我即刻聯絡杜sir(杜琪峯)，因為藝進同學會有個安老院，最後三日便安排到契媽入去，不過佢成日會話將來走咗會點，我叫佢定，你叫得我阿仔，我叫得你做阿媽，有我一日都會照顧你到尾。」他又忍不住抹眼淚。
謝賢難忘好友幾好玩
來到靈堂弔唁圈中人有張國強（KK）、謝賢、阮兆輝、雪妮唐佳夫婦、元秋、麥長青、錢小豪、黃智賢、張穎康、羅蘭等等，謝賢特地前來向夏萍鞠躬作最後道別，他逗留近半小時便離開，記者上前訪問時，他表示：「無咩好講，我哋咁多年老友鬼鬼。(有何趣事？)我好耐無拍劇，以前好多時都一齊。(對夏萍印象？)你叫我點講，總之我同佢幾好玩。」說畢後便上車了。
張國強約五時到達，他先進靈堂鞠躬後，再出來做訪問，KK表示：「夏萍留院堅持的十日期間，我一直陪伴左右，她臨走時有家人、我和家棟，以及一、二個圈中人陪着，見到她安詳離開，大家都覺得好安慰，她病危時，家棟正在內地拍戲，我們便不停鼓勵她等家棟回來，當她見到家棟後整個人好釋懷，翌日早上便安詳走了，從而可見她對自己的一份堅持。」KK指夏萍因老人病一直身體不適，之前因在療養院跌倒即時送她入院，因受創傷加上第二度中風，相較第一次中風時更加嚴重，加上年紀大引起好多併發症，最後在醫院都堅持了十日。問到他對夏萍的難忘回憶，KK道：「有好多，夏萍姐在劇中做我媽媽，大家經常有講有笑，有時拍劇見她老人家出入不便，收工便會載她回家，她有很多有趣地方，為人幽默好直言，值得大家學習，她的幽默有趣經常令大家啼笑皆非。」KK表示同家棟有入去同夏萍姐傾偈，見到她的遺容更安詳，個妝比平時更加靚。
不少圈中人致送花圈悼念， 包括劉德華、黎明、杜琪峯、黃子華、胡楓、劉青雲夫婦、錢嘉樂夫婦、吳君如、謝賢、汪明荃和羅家英、胡楓、吳孟達等。