■蔡國威香港文匯報訊（記者 梁靜儀）蔡國威（威仔）上月乘坐小巴時遇上交通意外，當時其所乘搭的小巴因要避前面一輛私家車而急剎停，令坐在左邊單人位的他撞到前面鐵板而令雙腳撞傷，幸無大礙，可以繼續工作。
威仔表示當時因為準備落車而解開安全帶，因司機突然急剎車，衝力太大導致他雙腳撞到前面鐵板。重提當日意外經過，威仔指自己只是擦傷了膝頭，傷處已經好了很多，反而是心理需要醫治，他猶有餘悸說：「其實撞車後，我落車去睇同我哋相撞嗰架車有冇事，諗到喺兩秒鐘內可以死去，之後就開始手震腳震，反而需要安撫自己，當晚都瞓唔到，（現時搭小巴有冇陰影？）過咗個幾兩個星期就好啲，不過就唔會再坐單邊第一個位。」
近日威仔有份演出的古裝劇《包青天之再起風雲》，劇中他飾演經常撞板的開封府的大總管，角色搞笑，他亦劇透其角色最終為了英雄救美，因要保護張秀文而中毒身亡，但他笑言死得很開心：「拍呢場戲時，譚俊彥、胡定欣同姚子羚等圍住我喊喊足兩個鐘，我同開封七子講完遺言就死。呢場戲拍咗十個take，竟然喊到咁耐，仲要喊出真眼淚，好衷心多謝大家幫我入戲，令我冇壓力，尤其係譚俊彥幫我融入角色。」