■祖兒好感激軒仔每晚現身紅館幫忙。香港文匯報訊（記者 李思穎）容祖兒（Joey）共19場的演唱會步入尾聲，前晚去到第16場，邀得大會星級調音師兼好朋友張敬軒登場做嘉賓，Joey很感激軒仔在個唱上出心出力幫忙，口快快語出驚人說要「捐精做代母」作答謝，全場笑聲震耳欲聾。
Joey和軒仔合唱《黃色大門》後便來個深情擁抱，軒仔從口袋取出一張卡指是梳化服同事簽名送給Joey的禮物，豈料Joey順手塞進胸前的裙頭內，軒仔忍不住笑說：「呢樣唔係好多人做到，當場表演絕技，見到你係『瀡』入去，好似馬路暢通無阻。」Joey笑到合不攏嘴。
軒仔偷望祖兒換衫？
軒仔隨後一臉認真道：「大家知佢這副瘦削身驅、被條裙包住背後，冇人睇到佢身上幾多傷，我有幸可以睇到，喺後台見到佢好少布嘅時候。」祖兒馬上震驚問：「吓？乜你有望入來咩？」Joey更笑罵：「你無賴呀......我信錯你。」軒仔即說：「算啦，睇完都唔知睇到乜。」繼而他道出Joey每晚在腳上貼滿膠布着高跟鞋，身負皮外傷和內傷，「今日開騷前都去針灸同睇骨科，佢喺騷前好擔心唔可以將最好狀態帶上舞台，怕自己令大家失望，會不斷付出自己，佢真係搵命搏，我未見過一個artist，凌晨完騷喉嚨仲插住六支針，就係為了保證第二日有一個最好狀態見大家！」Joey此時忍不住落淚，大家拍掌鼓勵。
Joey好感激軒仔每晚現身紅館幫忙，她自言有想過如何報答軒仔，軒仔即叫她不用以身相許，沒料Joey語出驚人：「如果你需要一個人，將來識不到一個女朋友，我可以做代母，喺泰國捐精，哈哈。」軒仔嚇了一跳笑着拒絕：「咁我泰國搵得啦，你基因都好好，我覺得呢世珍惜做朋友緣分就夠㗎啦，第時我去你家，我應該叫你媽咪做外母好定Aunite好？有單身男士可以上IG留言畀Joey，Joey真係乜嘢都有啦，身邊人嘅愛都有，就係差一主好人家！」全場爆笑。
隨即兩人合唱《櫻花樹下》後，軒仔來個台上QuickChange，換上火龍果的紅白色外套，Joey和軒仔亦合唱惡搞版本的《Pretty Hungry》，再為場館升溫。