■劉德華(左)友情客串。香港文匯報訊（記者 李思穎）鄭秀文（Sammi）主演電影《花椒之味》將於中秋節9月12日上映，由Sammi主唱的的電影主題曲《好好說》MV亦正式曝光。拍攝期間，Sammi回看電影裡與賴雅妍和李曉峰的姊妹情節，還有「友情客串」的好友劉德華和任賢齊之彩蛋，都令Sammi留下不少難忘回憶。
片中客串的華仔與小齊跟Sammi都是老拍檔，小齊與Sammi合作《嫁個有錢人》後相隔16年再結片緣，Sammi說：「小齊永遠都係咁親切，一見到佢心裡就好溫暖。」而小齊戲中飾演暖男醫生，受命去醫治她的心病。至於華仔與Sammi演過無數次情侶夫妻，她說：「華仔雖然只係客串咗幾場戲，主要講愛情和親情的議題，原來男人真係來自火星，而女人來自水星。就算大家講緊同一個話題，當去到某些位又講唔到落去，當大家正面對如何經營一段男女關係的時候，一定好有同感和會心微笑。」
跟賴雅妍 李曉峰一見如故
至於跟Sammi首度合作的賴雅妍和李曉峰，三人一見如故，可說是「三個女人一個墟」，Sammi認為歸功於好導演和好劇本：「劇本好多笑中有淚，我同兩個妹妹建立咗真摯感情，好唔捨得。所以電影煞科時我心情極之複雜，一方面好開心，終於完成一部電影，但另一方面對於角色好唔捨得，當我進入咗當中角色的時候，佢哋笑同經歷或者眼淚，所有情緒都係真，好似將空間定格咗喺畫面，雖然第一次合作，過程好多事值得回憶。」
戲中三姊妹同父異母，在爸爸的喪禮上第一次相遇，加上要共同解決問題，感情迅速建立。鏡頭後她們一見如故，很快投入角色，比戲中姊妹更情深，甚至同笑同淚，Sammi說：「戲中好多搞笑情節難忘，但感情重頭戲拍攝時，互相畀力量大家去演出，眼淚互相感染對方，當大家拋出真感情出嚟嘅時候，情節就會好好睇，呈現到角色有血有肉嘅地方。」