■Joey自爆和張智霖住同一大廈。香港文匯報訊（記者 李思穎）容祖兒（Joey）一口氣做了14晚演唱會，昨晚終於可以休息一天，為此Joey於前晚特別賣大包，明「醒」該晚觀眾，表演嘉賓「加碼」上陣，請來兩個組別農夫和張智霖助陣，為全場萬多人送上驚喜。
前晚捧場藝人有袁詠儀、余安安、許廷鏗、胡鴻鈞、劉佩玥和緋聞男友周志文等等，Joey弟弟容逸恆坐在山頂觀眾席上，Joey便坐在自稱是紅館360?的高空纜車同細佬對唱，轉過頭見到農夫於人群中出現，三人便合唱《特別嘉賓》，現場氣氛熾熱，接着農夫步上舞台，C君和陸永發揮搞笑本色，如同帶給觀眾一個小型棟篤笑，笑爆全場，Joey更多次笑到單膝半跪地上。
農夫笑爆全場
農夫一開始就玩大踢爆：「其實扮咩驚喜，大家一早知我們係今晚嘉賓， 好多人收到嘉賓名單，下場係草蜢！」C君：「我作為你嘉賓，要同全場觀眾負責，好想講一聲對唔住，好抱歉，大家之前睇嘅是張學友、劉德華、古天樂，跟住今晚係農夫！你話點算呢！我抱歉自把自為應承Joey做嘉賓，今晚我們不再唱任何歌，不再折磨你們聽覺，請放心。」然後兩人一同抵死唱《刻不容緩》。
接着Joey繼續派福利，她謂：「我好努力做咗十四場，明日我放假，今日阿姐好高興決定賣大包。」然後唱出《祝君好》，在觀眾沒有心理準備下，張智霖突然升上台同Joey合唱，張智霖笑言想請大家食多粒糖，兩人便在台上自爆同居關係，張智霖謂：「我哋兩個關係，正所謂遠親不如近鄰！」Joey：「今日披露大家知一個秘密！唔好同人講，我哋係同居關係！哈哈！不過，同居，不同層！我哋住同一大廈，見得最多係喺停車場同電梯，舞台真係第一次！好多謝張智霖拍緊賀歲片，特登請幾個鐘假來支持我，老婆靚靚都有來睇騷！真係多謝佢一家。」