■黎諾懿、張穎康、陸浩明及郭子豪等男藝人作狀吻賀阿姐。香港文匯報訊（記者 梁靜儀）昨日是汪明荃（阿姐）的72歲生日，前晚阿姐於電視城為其主持的節目《娛樂大家》錄影，其間劇組送上蛋糕為她預祝生日。阿姐丈夫羅家英主持的節目近日播出，更可見到他輕打美女Pat Pat，阿姐坦言看了一些，現在他合作的全都是後生靚女，她也只擔心丈夫工作操勞，不過家英哥對她說拍得好開心，唔辛苦。
蘇永康、林夏薇、吳若希等人合唱生日歌為阿姐慶祝，而陳家樂、黎諾懿、張穎康、余德丞、陸浩明、丁子朗及郭子豪等男藝人作狀吻賀阿姐，心情大好的阿姐，接受過拍檔蘇永康吻賀後，又俏皮地將蛋糕上的忌廉抹到一眾男藝人臉上，場面搞笑。
阿姐表示生日不會有特別慶祝，因近日忙於排練粵劇，排練完會跟丈夫羅家英及契女食飯慶祝。問到家英哥可有送上禮物？阿姐坦言沒有︰「冇喎，佢唔會特別為生日而買，平日見到有需要就買，老夫老妻都冇咩驚喜。」
問到可有看過家英哥主持的ViuTV節目《台灣文西Only You》？阿姐說：「睇咗些少，（有冇睇到他打美女Pat Pat？）唔知喎，係咪劇情需要？你哋去問佢，佢都一把年紀，同後生女一齊拍節目都係搞笑，佢拍呢個節目時啱啱做完手術休息一陣就去拍攝，有叫佢唔好太操勞，佢話答應咗唔推得，又話唔辛苦，拍得好開心，𠵱家佢合作全部都係後生靚女，工作好忙，如果抽到時間，都想佢陪我排戲。」
陳家樂、林夏薇（薇薇）繼之前在Do姐（鄭裕玲）的遊戲節目贏得近萬元後，前晚再戰阿姐主持的遊戲節目。
林夏薇揭陳家樂是「玩家」
家樂表示與薇薇實在太夾，所以受到監製垂青，叫他們來挑戰阿姐的遊戲節目。他自言玩遊戲都算醒目，而薇薇就直覺幾好，不過薇薇就踢爆他是豬隊友：「下晝試玩時，家樂是變咗豬隊友，我救咗囧潀腹A佢仲話我係兇手！」家樂就死撐說：「其實係有陰謀，我哋扮唔夾等敵人放鬆，就可以贏大獎。」薇薇就對他笑說：「希望你醒少少。」問到家樂是否玩遊戲高手？他笑說：「我一向玩遊戲都叻，有唔服輸性格！」薇薇一時口快說：「佢係玩家，（哪方面？）我唔知呀！一陣同他同隊，所以要小心講嘢。」家樂就稱自己是遊戲王。薇薇之前曾透露有機會想試試唱歌，家樂卻潑冷水說︰「佢唱歌？我哋曾經想合唱劇集主題曲，監製聽完我哋啲歌聲竟冇下文，就知咩事！」