■有外國人入戲院支持，衛詩雅感到非常驚喜。香港文匯報訊 衛詩雅及林德信主演，吳耀漢、吳浣儀、關寶慧演出的驚慄懸疑電影《雙魂》日前在香港正式上映。電影中兩位男女主角林德信和衛詩雅近日走遍港九新界，連跑多間戲院謝票。其中一場謝票中，更有外國人入戲院支持，衛詩雅感到非常驚喜︰「入到戲院見到有外國人，當時真係好開心，因為有唔同國籍嘅人睇，可以畀唔同意見我。」她直言滿意自己的演出，並謂︰「我覺得盡咗力就得，對得住大家，當然票房愈好就愈開心。」
至於林德信同樣大讚入場支持的觀眾，他說︰「觀眾好叻，有大部分人睇第一次就已經明白劇情，有幾個觀眾仲睇得好清晰，細緻位都睇到，但我也未必可以睇到晒所有嘢。」為了看到觀眾的反應和口碑，林德信更於散場後在門口「視察」，他說︰「見到好多觀眾完場後繼續去傾劇情，自己好開心，最開心令到觀眾睇完後同朋友一齊討論，好多時大家入戲院睇完戲後，離開時或者返到屋企就忘記咗。」