■現時文雪兒有個建築師老公、兩個漂亮女兒，生活美滿。遇婚姻失敗不氣餒 湊大兩女
文雪兒16歲出道，曾與張國榮、鍾保羅成為熒幕情侶。上世紀90年代漸漸淡出娛樂圈，相夫教子，20年前遇上婚姻失敗，文雪兒沒有因此放棄自己，憑努力開美甲店，創下一番事業之餘，更遇上現任丈夫建築師袁慧明。人生縱有挫折，文雪兒也不會氣餒，因為她相信明天會更好。 ■採、攝：植毅儀
明年就「登六」的文雪兒，保養得宜，皮光肉滑。文雪兒曾有過失敗的婚姻，她感恩在45歲時終於遇到袁慧明。現時文雪兒有個建築師老公、兩個漂亮女兒，婚姻生活美滿，閒時拍拖出外旅遊，生活寫意。
開美甲店歷大風浪
「初出道我同張國榮拍《浣花洗劍錄》，熒幕情侶組合好經典，我同哥哥好熟，以前成日打麻雀，還有小紅（惠英紅）也是雀腳之一。後來去到1990年左右，覺得演技沒有突破，咁啱因為婚姻所以淡出娛樂圈。後來遇上婚姻失敗，好多人覺得我好勇，帶住兩個女Christy同Jennifier離婚。當時好徬徨、不知所措。但就算環境幾惡劣，我自己的心態始終正面，要努力照顧好兩個女。也因為離婚，所以我開美甲店，靠自己努力去養大兩個小朋友，你要相信自己做到，明天會更好的。叫兩個小朋友從小就要多讀書，將自己裝備到最好。不是自己的東西千萬不要貪，為人不可不切實際。現在兩個女都大學畢業，Christy更在英國倫敦大學學院的土木工程系碩士畢業，有土木工程師牌。另外，我好感恩在45歲遇上現任老公，佢真係好錫我們一家三口，對我們好好。」
同時亦因為離婚，無心插柳下，文雪兒轉戰商界，千禧年與友人合資搞首間美甲專門店，由百貨公司櫃位做起， 13年來已開了十間分店，更搵埋家姐元秋做代言人。最近5個月，市道不好，文雪兒坦言生意有受影響，但相信可以全靠一班好員工捱過很多難關，「我本身喜歡整手指甲，後來有個朋友話一齊開檔。2000年開始做美甲店生意，邊做邊學，這十多年間也遇上幾個大風浪，包括沙士、金融海嘯及禽流感肆虐的影響。我覺得做生意最難係管理員工，有好的員工，自然留到一班好客。我公司員工好多都做了超過十年，全靠一班好員工捱過很多難關。女人在社會不開心時，會想來聊聊天，給雙手別人扮吓靚。」
拍《解決師》過戲癮
公司上軌道後，文雪兒自2013年開始客串無綫劇集《巨輪》，過戲癮之餘，順道試水温，鋪路復出。相隔逾廿年再拍劇，她未有感到生疏，而且對演戲依然有濃濃的興趣。在台慶劇《解決師》中，文雪兒演張曦雯及丁子朗的媽媽。
「戲癮未停過，只是當時要打理生意。退休後，女兒叫我做些喜歡的事，問我最喜歡做什麼，我說是演戲，便有了這決定。有次同亞視班舊同事傾偈，佢哋話如果有興趣拍劇就主動搵吓人。後來同劉家豪講開，家豪哥佢話會記錄在案，之後找我客串《溏心 3》，慢慢開始拍返劇。今次拍劇《解決師》同好多年輕人合作，大家都擦出火花。」