今日跑馬地將上演九場草地賽事，使用C跑道作賽，內欄向跑道中央移入八米，闊廿二點五米，直路長三百三十四米，今次是季內第二次使用C跑道，上次使用是十月十六日，當日草地度地儀指數為2.7，場地掛牌為好地。當日八場賽事，八匹頭馬之中只有「明駿之星」是排內檔起步，其餘七匹均排中外檔，當日的C跑道有利中外檔馬。跑法方面，八匹頭馬之中後追馬佔了一半，包括「鑽飾神聖」、「王者再現」、「活力勇士」及「轉數高」，由此可見當日的跑道對後追跑法馬匹並無不利，是一條公平的跑道。翻查今季在谷草C跑道贏馬最多的是大摩，贏了兩場，至於騎師方面，今季贏馬最多的是田泰安及郭能，各贏了兩場。今次睇好方嘉柏馬房的「精彩飛動」，列陣四班千八米賽事，此駒歷來三次渡江出戰谷草C跑道獲取兩場頭馬，今次班利兼路合，預料又到出擊之時，屆時值得睇高一線。