■王梓軒再演利瑪竇，依然感到壓力不少。香港文匯報訊 唱作人王梓軒（Jonathan）重演利瑪竇，早前已假尖沙咀文化中心開鑼。與上次一樣，由利瑪竇少年演到老死，壓力不少，除了排練時間比之前少一半外，對白要講文言文、意大利文同拉丁文都甚有難度，梓軒話：「每次演出都係出盡全力，上次已經覺得做到最好，但今次再深化，發現上次演漏咗好多嘢，因為實在好多台詞、好多歌、好多位......由三十幾歲，演到六十幾歲去世，就算掌握到個流程已經好忙。今次就喺入面搵番好多友情、情義、親情，人性嘅軟弱，令觀眾有多啲共鳴、愛同堅持，講好似好抽象，離我哋好遠，但今次演活咗。」
莫文蔚話：「好勁呀！成件事好震撼，同埋我覺得Jonathan好犀利，得佢先可以做到，冇人可以做到呢個角色，真係冇第二個，佢一出場已經覺得好靚仔，哈哈......（在旁嘅梓軒笑說：因為真係似一個西人）都似㗎！你和尚Look都好得，今次幾驚喜，（有冇邊一Part感動到你？）有，有好多，我都係基督徒，裡面講嘅好多嘢都打動到我，我覺得成個騷都好難，真係好難，啲音樂、拉丁文、意大利文，好深嘅嘢......」