【資料速遞】孖寶兄弟益彭國年

2020-01-10

法國騎師人材輩出，大家最新見識有彭國年，跑隻「快益善」好似揸電單車咁，前面銅牆鐵壁唔緊要，左穿右插一衝過晒，呢個高難度動作真係技驚四座。初嚟報到即起朵，未來肯定條路易行好多，好似生力軍「孖寶兄弟」今次落在佢手。呢匹準打吡選手，較早前用何澤堯一出即勝谷草，原本月底四歲首關經典一哩，告仔再委以重任，但係何澤堯繼續騎「金鎗六十」，同樣要跑經典一哩嘅「孖寶兄弟」，冇理由到時先搵人，咁「孖寶兄弟」諗住搵潘頓幫手，點知元旦騎「凌駕」罰兩日，蕭家眼見彭國年咁掂，於是索性就地取材益佢。