第五場「淺草飛」在澳洲贏千四及千六米，上次在港初出千二米走勢唔差，復課試大閘加強催谷起得甚好，今次有力出冷。「廣陵王」上季新馬班兩戰一冠一亞鋒芒畢露，季初轉投新開倉嘅韋達，肯定十三少如獲至寶，睇嚟新季大有機會成為馬房嘅明日之星，操好始上陣不打無把握之仗。
第六場「龍鳳情祥」上場檔曳依然後上如飛得第二名，今次棄同日千二加程跑千四米配合進度，值得投下信心一票。「皇帝賽」上場加程跑千六米只得第五名，小敗不足兩馬位唔算差，贏好泥地大閘重返勝途列陣，董事馬有權在此還以顏色。
第七場「量化歡騰」初出排十四檔照樣贏馬，沿留四班角逐力足梅開二度。「王者奇兵」上場臨場走甩退出，復課試閘走勢依然對辦肯定問題不大，棄谷戰揀跑田草反映幕後信心，可與前駒打遭遇戰。
第八場「滿冠熊」上次跑回正常場地立即大熱輕鬆補中，今次抖足兩個月體力方面經已復元，現評七十六分比來港時低九分，大有本錢再下一城。「興爾」今季加盟韋達馬房六戰獲兩冠一季，先贏谷草再贏泥地，本身跑法主動經常可以賺到形勢，提防大家唔信又贏一場。
第九場「奇真」今季兩戰獲冠亞各一，九歲老馬歷來拚搏有度，保養出色之下戰鬥力依然高企，上場贏馬身後「湛江最醒」、「多多」、「管之星」、「友誼之星」再出排隊補中，今次轉場上陣也難輕視。「超新星」今季三戰千四米獲一冠兩季全上名，論馬三班肯定留唔住，本身已習慣負重，交出水準有力贏馬升班去。
第十場「孖寶兄弟」在港初出跑二班谷草一哩，狀態未足之下竟然可以一出即勝，結合本身喺英國嘅賽績，絕對有能力染指今季四歲系列賽事，估計目前評分無甚阻力，易配鬥志鮮明的彭國年，力足再下一城。「友誼至好」今季四戰獲兩冠一亞，連埋同主「友誼之星」剛勝，可見此件綵衣當旺，今次獲得何澤堯揀騎，有力挑戰前駒。