■鄧月平挑戰肥妹仔角色。香港文匯報訊 鄧月平（Larine）之前為拍攝新片由101磅谷肥至143磅，兩個月的極速增肥，包括瘋狂吃不停，一日六至七餐是必須的；睡前的消夜有雪糕等，而早餐更豐富，睡醒食麻辣火鍋，餘下食材做炒飯，留待lunch繼續食。
一個月下來，Larine已經明顯感覺到肥胖來襲，她說：「身形係同之前有唔同，開始有好多唔方便的時候，衫真係着唔落，都要買過晒。我記得拍的時候係夏天，我哋去咗一啲幾熱的地方取景，但我要keep住食唔好畀磅數跌得太快，因為我係一拍戲就會瘦的體質，由於我的角色係個肥且智商有啲問題的女仔，唔可以瘦，加埋天氣又熱又侷又食唔落嘢，但又要夾硬食晒啲飯盒，全日盡量食，其實幾辛苦。」
戲中，Larine 是個壞腦肥妹，四處呃呃騙騙，導演特別要求她增磅、戴眼鏡、拎柺杖來配合角色，並以肥胖學生妹造型影海報，以上種種，對年僅22歲的 Larine來說確是極大挑戰，肥肥瘦瘦的辛酸亦不足為外人道，Larine表示：「成個增肥過程中，我媽咪見到我肥到咁係有喊過，通常媽咪都係叫仔女食多啲嘢，但拍完套戲後，媽咪唔畀我食嘢，話你真係唔好再食、你真係好肥，初頭我恃住自己青春冇咩驚，但之後開始荷爾蒙失調，結果仲用咗好多時間調理身體。」雖然犧牲甚大，但 Larine還是很喜歡這個肥妹仔角色，因她覺得終於有個脫胎換骨的鄧月平讓大家見到。