■鄭俊弘(左)與何雁詩(中)談訂婚感受。香港文匯報訊（記者 梁靜儀）鄭俊弘（Fred）與何雁詩（Stephanie）日前一起接受TVB娛樂新聞台節目《StarTalk》主持許文軒專訪，大談元旦宣佈訂婚感受。
Fred表示決定旅行時求婚，是希望有一個好好的回憶留給Stephanie和自己，他說：「求婚仲緊張過自己第一次開演唱會，我成個人震晒同硬晒！」Fred指最初都好擔心若過關時要檢查行李，被Stephanie見到隻戒指就穿煲，幸好都順利過關。
準人妻Stephanie又自爆為了未婚夫學煮中餐，她說：「以前我煮西餐多，因為知Fred鍾意食中餐，所以特登研究，因為我哋兩個都好鍾意食越南河粉，去美國可以餐餐食越南河粉，所以返到香港去研究點整個湯底，希望可以食返嗰啲味道，試過誇張到一早七點去街市買牛骨同牛腩。」
二人將於年底於美加地區酒莊舉行婚禮，他們表示婚禮會一切從簡，圍數不會太多，只想和家人朋友分享。雖然二人都是歌手，但在自己的大日子卻不想表演同唱歌娛賓：「我哋好怕婚禮要表演同唱歌，想好好享受我哋嘅大日子，而唔係要搞到好攰，唔想去應酬。」