■Cheronna@SG開音樂會棄華麗舞台。香港文匯報訊 （記者 李思穎）女子組合Super Girls成員吳嘉熙（Cheronna）日前舉行迷你音樂會，獲得一眾圈中好友撐場，除了周奕瑋，以及香港羽毛球代表隊成員黑妹葉姵延等前來捧場，其老友陳瀅更玩快閃，神秘現身支持好姊妹。
Cheronna表示新一年再開小型音樂會非常開心，自己真係好想唱歌，能夠可以自己揀歌單，同樂手一齊夾，仲要迫所有人唱歌，是一件好開心的事。
Cheronna當日未有演繹自己的作品，全部唱別人的歌，她解釋：「平時我都係唱自己或者Super Girls嘅歌畀大家聽，大家未必知我鍾意咩歌，今次係一個好機會同大家分享。」她又感謝一班好友前來支持：「我邀請了好多朋友來，好似黑妹和周奕瑋，仲有中學同學。」
Cheronna坦言想與觀眾拉近距離，要一種貼地的感覺，今次並沒有刻意準備講稿，全部暢所欲言同大家傾偈，想要一個貼地感覺，而唔係好華麗舞台。她直言演出後感到不捨：「好唔捨得唱緊歌嘅感覺，成個過程都好難忘，尤其是自己唱歌感覺，新一年想專注唱歌，想自己寫多啲歌，有多點作品，迫自己進步。」