■汪明荃、陳展鵬、林夏薇及吳若希等昨日一起錄製節目。香港文匯報訊（記者 梁靜儀）汪明荃（阿姐）、陳展鵬、林夏薇及吳若希等，昨日到將軍澳電視城錄影節目《娛樂大家10點半》，阿姐被問到老公羅家英昨日由馬來西亞吉隆坡回港後，需作家居隔離一事，她表示已為對方做好準備，預備了客房給他住14日，以及有專用廁所，入面有齊消毒用品及日用品。阿姐又說：「我哋隔層隔離，佢二樓，我三樓，一定會遵守隔離規定，同埋唔會一齊食飯，工人會送嘢食去佢間房。」
她又指家英之前已在吉隆坡隔離了多日，問到可怕他會覺得悶？阿姐倒不擔心：「唔會，都習慣咗，佢會自己睇書、上網、玩Game，返香港安全啲，唯有用視像電話溝通，（家英哥會唔會掛住你偷偷出房？）唔會。」
陳展鵬和林夏薇表示受疫情影響，最近都減少出街，展鵬笑言近日多了時間留在家中跟一歲女兒修補關係：「因為之前拍劇好忙，一拍就5、6個月，個女都唔認得我，呢排好返啲，抱佢都唔會喊。」問到「限酒令」對林夏薇的食店可有影響？林夏薇指說：「山頂間舖賣珍珠奶茶，以前就有（賣酒），都冇辦法，都要遵守，希望疫情快啲過。」
吳若希（Jinny）與同公司的菊梓喬（Hana）一直盛傳不和，近日Hana在訪問中自爆經濟拮据，就連繳交5位數稅款都成問題，問到Jinny可有留意？她坦白說：「有睇到，關我咩事？點解要問我？（會唔會借錢畀佢？）老闆會借錢畀佢㗎啦！輪唔到我。（公司抽佣好多？）我點知呀！我同佢合約形式唔同，唔關我事。」 她又承認藝人是表面風光，又呻自己都好窮，受疫情影響，近日收入都減少了。
另外，昨日有傳無綫（TVB）有員工確診新冠肺炎，企業傳訊部回覆傳媒查詢時，表示無綫電視娛樂新聞台一名女職員昨日感到不適，自行前往醫院求診，新型冠狀病毒檢驗結果為陰性。為安全起見，同組20名同事今日會進行檢測，辦公室已全面消毒清潔。