■ 張若希復課了好幾天。香港文匯報訊（記者 李思穎）唐韋琪（Vikki姐姐）的16歲門徒張若希經過幾個月停課，上周三已經復課，重回校園生活的首天，若希見回老師和同學們，感覺很興奮，由於疫情停學期間，習慣夜睡晏起，故此，現時最不習慣是返學要早睡早起，需要時間適應。
若希復課前最後一擊在網上平台進行online直播演唱了多首歌曲，聲言唱歌是她紓緩讀書壓力的減壓方法，只會是暫別直播，待功課適應下來時就會馬上「復出」。
復課了幾天，若希笑言感覺好眼瞓：「之前抗疫期間，要補習，有時又到Vikki姐姐度上唱歌、跳舞堂，又要做新歌宣傳，所以都習慣咗夜睡，又瞓到好晏至起身，現在要變返好早起身返學，雖然已經返咗3日，起身時仲係有啲唔慣好眼瞓，不過我相信會好快會適應返，上學節奏就已經好快咁適應咗，只係起身嗰下真係好眼瞓，哈哈！」
若希興奮話復課第一天非常開心：「見返啲好朋友及好同學，原來大家都有留意我啲新歌及新聞，同學都好支持我，老師同學佢哋一見到我，首先就好關心問候我隻眼睛仲有冇事（之前戴着矯視隱形眼鏡睡覺發惡夢被非禮大哭，捽傷眼出血），下課後又叫我唱歌畀佢哋聽，我又唱返我自己首歌畀佢哋聽。有同學都同我一齊唱《這世界沒有盡頭》！好感動！」