【資料速遞】電路一號發奮圖強

2020-06-30

星期五舉行香港國際馬匹拍賣會（七月）第二部分，將會有廿二匹揀手貨俾有興趣嘅馬主競投，而喺接近拍賣會呢幾輪賽事，近屆ISG馬匹好爭氣，前次夜賽「駿爵士」輕勝，到上周「好運」喺泥地贏到無對手。今次分屬拍賣會前一戰，究竟輪到邊匹會壓軸造勢呢？以先前「駿爵士」來自方嘉柏，「好運」由大摩接手後，證明ISG喺呢啲大倉主手上總可以發亮發光，今次就一定要吼實告東尼，事關第四場出動兩匹拍賣馬「電路一號」同「美麗天使」。「電路一號」以千一萬成為歷年最貴嘅天價ISG，未出賽已由大摩轉投東廄，不過本身健康以至情緒都有唔少問題，今次再配田泰安，當然想加強配搭贏馬交代。