■ 楊明打趣叫高海寧剃光頭。香港文匯報訊（記者 梁靜儀）楊明、高海寧（高Ling）、陳曉華、黃祥興、莊思敏、朱敏瀚及姜大衛等昨日到電視城出席新劇《迷網》宣傳活動，台上眾人輪流介紹劇中角色，高Ling表示其角色因單純寂寞而受編。
昨日高Ling身穿絲質肚兜款式上衣現身，但仍難掩其玲瓏浮凸的身材，她撒嬌說：「楊明話我男人扮女人，我好鍾意呢個頭，打理容易又襯我喺新劇《七公主》個角色。」楊明笑說：「光頭好啲。（叫你女友莊思明剃光頭？）唔襯佢，高Ling型嘛。」高Ling指很多朋友叫她影輯短髮相留念，之後再留回長髮，大家都覺得她長頭髮較好看。
談到拍《迷》劇難忘事，高Ling自爆拍醉酒戲時真的喝醉了：「有場戲講我飲醉酒，我想有嗰種飲醉酒感覺，為咗入戲真係飲咗幾啖白酒，我本身酒量唔好，又唔飲得，結果真係飲醉，最終要楊明同個工作人員送我返屋企。」
楊明酒量不及女友
楊明笑指當晚幸好是封了條街拍攝，否則全個尖沙咀都知高Ling喝醉了，他笑說：「佢前後飲咗四啖，不停講『我醉咗嘞』百幾二百次。」他謂已不是第一次遇上同樣事件，之前拍另一套劇，有個女藝人醉酒失控到連戲都拍唔到。問到其女友是否飲得之人？他說：「女友好飲得，我諗係遺傳嘅，可以話係『酒筲箕』，我都冇飲到咁多。」
陳曉華表示《迷》劇是其處女作，劇中她與朱敏瀚有段刻骨銘心的戀情，更獲對方求婚，還有多場喊戲，自認是「喊包」的她笑說：「我幾乎日日都喊， 我好眼淺。（今日喊咗未？）未，但前一晚因為瞓唔着喊咗，喊咗出嚟舒服晒，拍劇後就好啲，有時太忙分散咗注意力，唔使日日喊。」
首次拍喊戲，陳曉華直言好緊張，因為是清晨拍，都驚喊唔出，同事就提議她可以用眼藥水，還有第一Take情緒好重要，幸好順利完成。問到當時她想起什麼事令自己喊得出？她表示都是諗起劇裏的感情事。