■在《反黑路人甲》中，高海寧飾演刁蠻任性的女明星。事業得意的高Ling，愛情卻不得意，她與音樂才子鄧智偉的緋聞傳足多年，但兩位當事人一直未有正面承認關係，直至早前男方捲入一宗桃色糾紛後，才迫不得已承認早已與高Ling分手。堅強的高Ling未有在人前哭哭啼啼，把心機全放在工作上，亦正如她所言，自己是專業的演員，不會受感情事影響工作。
一向甚少談及感情事的高Ling，亦破例大談愛情觀，並深信自己值得得到幸福：「我對愛情的憧憬係冇改變過，我依然好值得得到幸福，我唔會抗拒緣分，如果有一日遇到合適的人梗係會開始一段感情，why not？至於擇偶條件方面，我唔會限制自己的選擇，當你鍾意一個人，之前所訂的條件都係冇用，我係睇感覺的人，當然感情係冇得plan，正如事業都一樣，冇得話要set定一個年期要爬到去某個位。」