上季潘頓第四度登上香港冠軍騎師寶座，佢07年開始來港發展，起初事業並非一帆風順，畢竟當時香港馬圈屬韋達天下，直到13/14年馬季他終於打破韋達長達13季的壟斷局面，初次登上香港冠軍騎師寶座。近年他與莫雷拉雙龍會，經過激烈爭持，上季仍可完成三連冠，更夥拍應屆馬王「時時精綵」贏埋女皇盃，成為歷來首位囊括香港全部12場一級賽的騎師。現時佢已成為馬圈寵兒，據聞練馬師需要早至少兩個月前卜定他的坐騎。不過這位天之驕子在來港初期也曾受到挫折，當時香港高手林立，如韋達、柏寶、高雅志、巫斯義等早已植根香港，與香港馬主及練馬師奠定咗良好合作基礎，潘頓要在港立足，搵坐騎相當艱難，只好默默耕耘，努力工作來等待練馬師及馬主給予支持。
潘頓原本打算在40歲掛靴，但現時有點改變，他表示要看自己到40歲時健康及狀態如何而定，畢竟潘頓是個重秤騎師，多年來為了減磅，在健康上付出不少努力及代價。因應疫情的關係，佢一家人第一年在暑假留港，佢表示會趁這個空檔好好休息，充電後以最佳狀態迎接新季的挑戰。當記者問及他會否效法告東尼和韋達般，掛靴後轉任練馬師呢？潘頓表示暫時沒有計劃，不過太太Nicole已不斷游說佢向練馬師之路進發，但現階段佢只會專心自己的策騎事業。