■李家鼎與譚玉瑛即席烹製「百花釀甜豆」。香港文匯報訊（記者 梁靜儀）李家鼎（鼎爺）與譚玉瑛（阿譚）昨日到將軍澳電視城出席新一輯《阿爺廚房》記者會，二人更即席烹製「百花釀甜豆」。
談到今次拍節目的難忘事，他們表示有一日要坐船去塔門拍外景，遇上大風大雨，阿譚謂被雨水打到濕透身，大雨之後又出太陽，個身濕完又乾，鼎爺謂返到屋企都由頭濕到落腳。
阿譚在節目中喜歡品嚐美食時飲啤酒，鼎爺卻相反，他說︰「我飲半杯塊臉就會紅晒，點拍節目？雖然以前飲一支白蘭地都唔會醉，但我唔鍾意飲酒。」阿譚表示拍攝時間太趕，而她飲酒時愛慢慢歎，所以沒有出動私伙靚酒拍節目。
節目已拍到第五輯，阿譚表示與鼎爺合作後變得熟絡，並大讚對方有魄力，可以一日拍幾味餸，拍攝時她常向鼎爺偷師，鼎爺亦讚她廚藝大有進步，只是暗中隱藏實力。有時做錯了亦會跟他講，他笑說：「我拍咁多集冇同阿譚講過一句粗口，啲人見我哋互窒，唔知就以為我哋有心病，我會大聲同佢講嘢，但唔係鬧佢。」阿譚亦表示跟鼎爺合作愉快。