■高海寧與黎諾懿「激碰」谷收視。香港文匯報訊 （記者 梁靜儀）劇集《C9特工》將於本周五播映大結局，劇集女主角高海寧，近期一連有4套劇播映，對於有傳公司為她奪視后鋪路，她表示不敢想太多，只求做好本分。黎諾懿就直言希望可以一次過攞視帝、最佳主持及最佳節目三個獎，到時便可以息影。
昨日高海寧（高Ling）、黎諾懿、簡淑兒、林漪娸及楊卓娜等到將軍澳電視城出席記者會，會上眾人分組玩遊戲，又頭碰頭面貼面，十分投入。
高Ling近期連續有4套劇推出，《C9特工》本周亦將迎來結局，可會感到失落？她說：「一次播出4套劇係開心嘅，因為之前宣傳好密，之後可以唞吓，現時剩下一套《七公主》未出街，觀眾可能要等多一段時間先可以再喺熒光幕見到自己，希望拍多啲存貨。」
黎諾懿笑指觀眾可能要等一年後才可以再在熒幕上見到高Ling，不過她這段時間可以返內地拍劇先。他又稱自己今年都只得一套劇《刑偵日記》未播出，都想多拍劇集，不過今年除了拍劇外，他亦要拍綜藝節目：「除咗拍《疫境廚神》，之後仲要拍兩個綜藝節目，每個節目都要諗幾個餸菜，淨係諗煮咩餸都諗到頭痛，而《疫境廚神》之後會安排喺周末播出。」
簡淑兒認與男友復合
高Ling又表示早前做街頭訪問，訪問觀眾對她連續有4套劇播出的意見，她開心說：「觀眾普遍都答好，仲收到好多鼓勵，話睇到我嘅進步，觀眾都明白有幾多套劇出唔到我控制，（哪套劇最受歡迎？）現時嚟睇，好多人睇《C9特工》連小朋友都好鍾意。」
對於有報道指她一連有幾套劇播出，其實是公司為她奪視后鋪路？對此高Ling說：「唔敢諗，攞獎要天時、地利、人和，我只係做好本分，其他控制唔到。」
黎諾懿則笑言自己有劇集推出，又做主持，都希望可以得獎：「希望可以一次過攞視帝、最佳主持及最佳節目三個獎，到時我就可以息影喇，今年好大機會，如果唔係我即係公司仲要我，（我）仲有利用價值。」
簡淑兒透露近日同時忙於拍攝《智能愛（AI）人》和《我家無難事》，所以無時間追看《C9特工》。她表示今年已拍了4套劇，疫情下有這個工作量已好感恩。
另外，有傳她與男友復合，問到她忙於拍劇，豈不是無時間拍拖？簡淑兒大方承認與男友復合，但都會以工作為中心：「男友都好忙，我哋𠵱家已經唔係以前熱戀期，一齊分開都試過，大家好清楚了解對方習慣同底線。（可以直接結婚？）我哋今次再一齊反而無諗，之前屋企人都有畀壓力，𠵱家我哋隨住感覺走比較好。」