■鍾嘉欣昨日為劇集主題曲《好好珍惜自己》拍攝MV。香港文匯報訊（記者 梁靜儀）鍾嘉欣昨日為有份參演的劇集《兒科醫生》主題曲《好好珍惜自己》拍攝MV，星夢唱片公司老闆何哲圖亦有到場。嘉欣表示已多年未有為主演的劇集唱主題曲，對上一次已是6、7年前的事，今次很多朋友聽完首歌都聽到好感動及喊。
嘉欣表示今次有份參與填詞：「首歌係半年前我喺溫哥華作嘅，冇諗過會成為主題曲，我有幾首歌喺手，畀左何哲圖聽，佢揀選咗首歌，我有份拍呢套劇，知道來龍去脈，所以覺得首歌加埋套劇係絕配，首歌係我作曲，我填咗兩行詞，之後我同填詞人傾咗兩個鐘，講畀佢聽我想表達嘅意思，而佢將啲詞美化同昇華咗，好勵志嘅，我聽完就喊，好感受到嗰種感覺，我啲朋友聽完第一個反應都係好感動同喊，老公同仔女都聽過，話以我為傲。」嘉欣表示因錄音前已聽過了多次，所以錄音時沒有喊，但拍攝某些場景前都會聽這首歌，可令她更投入拍攝。
由溫哥華返港拍劇已有3個多月的嘉欣，因此很掛念兩個子女，她說：「比想像中難捱，今次算係離開小朋友最耐一次，原本諗住我返來香港2個月安頓好之後，小朋友就飛過來，但我隔離完冇耐，香港嘅疫情又爆發，所以打亂咗少少個計劃，現時都有啲唔知點算，因為溫哥華疫情有少少上漲，我仲有36日戲份就拍完，如果小朋友嚟到我會留耐啲，否則拍完劇我就即返去溫哥華，我已經執好行李，安排好晒。」
嘉欣表示每晚都會與仔女視像，她最擔心是大女，因為兒子還細，有時視像打完招呼便行開，對她不太留戀，但個女就會話掛住她，叫她立即回家，不過他們在溫哥華有好多人錫，也不是掛念得好辛苦，反而她獨自在港掛念得更多。她又感謝老公為她犧牲，因為他都好辛苦要飾演兩個角色。
問到經過今次後，還會否願意返港拍劇？嘉欣也不太肯定說：「呢一部係唔係最後一部劇唔知㗎，可能10年後先再拍多一部，始終一走就要走咁耐，我自己個心都唔知點算，做媽咪好難去抽離，再拍要考慮清楚，我希望每一部都做到最好，咁就當呢部係最後一部劇，心態會想做得更加好，屋企人咁支持我就更加唔想令佢哋失望。」