■林穎彤(左)將在節目獻唱新歌。香港文匯報訊（記者 梁靜儀）胡楓（修哥）、陳百祥（叻哥）、陳貝兒、區永權、應屆港姐謝嘉怡、陳楨怡、郭柏妍、林穎彤、泳兒、譚嘉儀及孔德賢等，昨日到將軍澳電視城出席籌款節目《善心滿載仁愛堂》記者會，節目將於本周六晚舉行。當晚擔任司儀的叻哥，表示香港過去一年的環境要籌款不易，希望能籌得更多善款，數字越高越好。
謝嘉怡透露當晚會着上款式很特別的服飾跟修哥合作表演行Catwalk，由於已很久沒行Catwalk，所以返屋企要練習。近日搬新屋的嘉怡上載親手裝嵌木櫃的相片到社交平台，被網民讚她貼地。嘉怡表示本身鍾意砌圖，但覺得裝嵌傢俬更好玩，現仍差一個木櫃便完成，她笑說：「爸爸原本想搵人整啲櫃，但我想自己砌，佢真係冇用，佢唔識做，但佢叻煮嘢食。」
林穎彤表示將在節目獻唱新歌，提到她與同門的伍富橋因合唱情歌及跳拉丁舞而傳出緋聞，近日有指二人已分手，雙方的社交平台更已互相取消關注對方。問到是否與伍富橋分手？Bella強顏歡笑回應：「係冇乜聯絡，之前一齊宣傳，現在宣傳完，接近冇聯絡，（互相取消關注對方？）一向follow好少人通常follow最熟啲人，因為太多會睇唔晒！」說到二人目前的關係時，她以「朋友、同事」來形容。問到是否因理解而分開？她眼泛淚光說：「如果大家啱傾、有話題就會熟做到朋友，若果冇乜特別話題就好少聯絡。」她又稱大家同公司，很多時都有機會碰頭，不怕見到會尷尬及面左左，也不介意合唱。問到會否覺得可惜？她說：「大家啱傾就繼續做朋友，冇特別可惜，大家嘅性格唔係好適合做好好嘅朋友，佢文靜，我就比較活潑，係唔同類型嘅人，（是否有第三者？）絕對唔係。」
Danny話無追過廖慧儀
孔德賢（Danny）近日捲入應屆落選港姐廖慧儀與男友Sam的感情，近日Sam被狠飛，Danny因而被指是第三者，昨日Danny被問到廖慧儀和男友分手一事，他聲稱不知此事：「都係傳媒send短訊話我知先知道呢件事，同廖慧儀自從10月1日後已經冇聯絡，同佢只係普通朋友關係。（報道指你是第三者？）唔係，一直都冇追佢嘅意思，（廖慧儀回復單身後會唔會對她展開追求？）想專心工作，之後都要忙拍劇集。」