■陳煒(左二)和張曦雯(右二)擔任嘉賓。香港文匯報訊（記者 梁靜儀）黎諾懿繼《疫境廚神》後 ，近日與陳敏之主持全新煮食節目《今晚請客》，昨日並邀得陳煒（煒哥）和張曦雯擔任嘉賓，諾懿透露節目一共有8集，他會煮16個餸菜。諾懿表示事前會買材料在家中試煮幾次，問到他豈不是貼錢打工？他笑說：「算啦，其實學識咗對自己都有用，都係屋企人食返，無乜所謂，好似煒哥煮嘅菜式，我都可以從中學習到。」張曦雯笑言因有煒哥在場，故不敢煮中餐，她會煮西餐，上節目前就煮過給男友品嚐，她笑說：「我煮乜佢都話好食。」
敏之早前被指捲入政治風波而遭公司暫停工作，她否認道：「其實因為有疫情而唔拍劇，因為拍劇唔可以戴口罩，怕傳給家人，現在疫情好咗好多，節目又唔使拍通宵，我可以多啲時間陪個仔，疫情期間自己湊小朋友會安全啲，（幾時再拍劇？）等病菌控制好啲先，拍劇可能要遲少少，等個仔大啲至拍，做媽咪係有啲嘢要犧牲。」昨日其中一位嘉賓剛巧是盛傳取代她演出《飛虎3壯志英雄》的煒哥，敏之指嘉賓是公司安排的，對方是公司的女廚神，本身亦好欣賞煒哥，煒哥則說：「通知我做呢個角色前，我乜都唔知，亦都冇任何資料， （可介意被人話執二攤？ ）冇所謂，當年選美我都係候補入圍，最重要係表現好呈現到角色就得。」