■ 王嘉儀感謝恩師趙增熹的支持。左為主播許文軒。香港文匯報訊 （記者 文芬）創作歌手王嘉儀（Sophy）日前在節目《StarTalk》大談推出國語專輯及赴台灣發展感受。Sophy說：「首次做國語專輯過程好艱巨，本身國語唔係母語，喺發音上要花好多時間去摸索。而今次做埋專輯製作人同監製，所以要分開自己個大腦，一邊係歌手，另一邊係製作人，咁就搞到自己成日跌入魔鬼天使嘅對話之中，一錄音個腦就打交，但做完之後好有成功感。」
問到為何決定離開恩師趙增熹，赴台灣探索時，她說：「2018年有機會去台北表演，令到自己有個想進修嘅念頭，我都同趙增熹傾咗好耐，佢好支持我，叫我去試下，如果唔得咪返嚟搵吽A呢樣嘢好感動，去咗7、8個月我有好多得着，識到好多音樂人，更加相信自己。」
對於憑新專輯獲得台灣Indie界盛事「金音獎」的最佳另類流行專輯獎及最佳創作歌手獎兩項提名，Sophy說：「好開心！呢兩個提名係大嘅獎項，對自己算有少少交代，提名畀到我好大信心，覺得自己做緊一件啱嘅事。」