香港文匯報訊 （記者 李思穎）好爸爸蘇永康、杜德偉趁着有幾日假期，便把握時光同囝囝親子樂，蘇永康同太太馮翠珊（Anita）帶同三歲多的囝囝蘇展弘（Jazz）及親友到酒店Staycation，兩公婆各自在社交平台放片和照片分享，片中見到精靈的Jazz和爸爸打扮相近，同是戴上太陽眼鏡，一身潮服裝扮，Jazz拖着兒童行李箱帶頭行上房，蘇永康緊隨在後，他留言：「Jazz終於可以Staycation，仲有佢最鍾意嘅水上活動，又可以同表妹一齊玩。今日玩到黃昏都仲未攰，今晚我諗食完飯就瞓到隻豬仔咁啦，#但願我能給你一個更像天堂的地方」。太太就放上囝囝同表妹在泳池玩水的片段，及與婆婆的合照，Anita亦換上泳衣，一時童心未泯同小朋友一齊玩瀡滑梯，但就未見蘇永康落水。
杜德偉仔仔變健身器
另外，有子萬事足的杜德偉（Alex）便帶同兒子AJ落街買餸，Alex咬緊牙關一隻手提住兩袋水果，另一隻手便抱起胖嘟嘟的AJ，看來有點吃力，而被抱的AJ則木無表情，太太李曉冰（Ice）於社交網鋪相並留言：「健身使乜擇日，AJ淪為健身器材，偉大父親練出強勁臂彎。」