■右起：蔡思貝、張振朗及張曦雯替新劇《踩過界II》做宣傳。香港文匯報訊（記者 梁靜儀）張振朗、蔡思貝、張曦雯（Kelly）及簡淑兒等，昨日到將軍澳電視城出席劇集《踩過界II》記者會，眾人又分組玩遊戲。
張振朗和蔡思貝在劇中有一場激烈親嘴戲，二人受訪時重提這場咀戲，笑言覺得「好嘔心」，但出來的效果亦幾好笑。問到張振朗女友睇到這場戲又會否覺得嘔心？蔡思貝即笑說：「任何一個識得呼吸嘅物體都會嘔，其實呢個都係預期嘅效果，最主要係睇咗角色同埋劇本，就會好自然豁出去。」
張振朗亦透露兩人除了激咀戲之外還有一場決裂戲，會令人睇到很揪心，問到覺得嘴戲難還是決裂戲難演？他笑說：「一定係咀戲比較困難，難在尷尬，因為同思貝都熟，所以就更加難拍。」蔡思貝就稱因為套上了假牙，所以拍的時候無感覺，加上對手是她最信任及好有風度的張振朗，故不擔心被他「抽水」。問到蔡思貝哪位男演員最沒有風度，她笑說：「張振朗最Gentleman，GoGo（劇中角色）係最唔Gentleman，其實張振朗鏡頭前後都好照顧演員，係一個暖男。」
張曦雯欲借吳彥祖闖荷里活
Kelly近日在社交平台分享10歲童年照，被網民笑指她貌似男神吳彥祖，她笑言原本也不覺得似，但睇完網民留言後都覺得似：「開心嘅，佢係我男神，佢現時去咗荷里活發展，如果有親戚角色casting可以搵我呀！等我有機會打入荷里活。」Kelly透露因父母搬屋才翻出童年舊照，小時都曾有人說過她似梁詠琪，不過長大開始游水曬黑後，就沒有人說了。