有望重過正常生活
李小姐：外國已經開始接種，香港亦應該盡快開始。抗疫已經有一年，少咗同朋友見面，感到好悶。有疫苗最少有重過正常生活嘅希望。
相信疫情逐漸受控
巫先生：雖然我唔係高危群組，唔知幾時先有疫苗可以接種，但我唔介意，長者同醫護有較高感染風險，當然要首先畀佢哋。相信社會一部分人打咗疫苗，疫情就會逐漸受控。
有疫苗肯定係好事
區先生：終於有疫苗，肯定係好事。但呢啲疫苗係新產品，有啲擔心會唔會有副作用，我可能會多等一段時間才打針。
疫苗首重安全可靠
羅小姐：疫苗產地唔係問題，最重要係可靠同安全。希望可以快啲重過正常生活，再去旅行，但要先等長者等高危群組接種，我哋年輕人抵抗力較好，相信只要做好防疫措施，等多一段時間都無問題。
■圖/文：香港文匯報記者 黃恆諾