●羅冠聰轉軚教FactCheck激嬲「黃絲」。 fb截圖「黃絲」喺修例風波期間不斷發放假消息，喺美國總統選舉期間重施故伎，去撐仇視中國、競逐連任嘅特朗普，包括用流料話選舉舞弊嚴重，造假圖話民主黨嘅拜登係「孌童癖」等等，即使拜登贏咗，但類似嘅假消息繼續充斥「黃絲」群集嘅「連登」。喺香港仲對假新聞視而不見嘅逃犯羅冠聰（羅三七），唔知係咪怕無法同美國一直庇護佢嘅民主黨政客交代，喺facebook發帖叫大家唔好「謠傳」，要去主流媒體「查證」。但冇咗假新聞，啲攬炒派豈非會冇咗陣地？於是，就算係羅三七都冇面畀，啲「黃絲」喺奀攭咫憭U瘋狂洗版，鬧佢係「左膠」，覺得佢所言無非為咗舐美國民主黨，仲話只要大家希望係真，謠言就係「遙遠領先」嘅預言呢。
羅三七日前喺fb發帖，話日前有美國眾議院議長佩洛西被捕等假新聞喺網上流傳，詳細分析呢單假資訊係如何傳播開來，並分享避免輕信這些「謠傳」嘅方法，包括「到各大新聞網、事實查核網翻查資訊，並了解首個發布新聞的媒體的背景；假如是毫無公信力可言的『內容農場』，又沒有各大傳媒的報道，消息的可靠性便會成疑」；「主動尋找新聞來源，勿輕信網紅、時評的新聞資訊，並養成評估他們可靠性、可信度的習慣」；「愈嚴重的指控，就要愈有力的證據；若缺乏有力證據前，理應再三存疑，並不要協助發布，避免協助消息流傳」。
「盲黃」厚顏稱鍾意假料
呢篇帖文嘅論點，如果搬返香港，彷彿等同於掌摑「黃絲」塊面，特別係喺修例風波期間，包括羅三七自己在內嘅「黃絲」都不斷瘋傳假消息、假新聞。如果真係等啲人學會辨識資訊真假，豈不是會令攬炒派失去咗搞事嘅資本？「Hilary Mass」就鬧羅三七：「對你好反感，你靠左。」「陳熙立」則厚住臉皮咁話：「雖然新聞消息係假但係我鍾意睇。」
「Peter Yu」都繼續堅持被迫害妄想嘅思維：「只因香港傳媒已經冇一家能夠相信，那（哪）一間香港傳媒會講真話？」「Jeannie CH」更似被「洗咗腦」：「大家只要希望是真的，期望謠言是遙遠領先的預言。」
被批評擦美民主黨鞋
見羅三七咁假正經，網民「Yung Mo Kei」就話佢：「賊喊捉賊！」「Ming LI」都話：「呢啲謠言，睇怕都係你班『手足』流出嚟。」
不過，喺香港仲對假新聞視而不見嘅羅三七，去到美國後點解突然轉軚？網民都懷疑佢係為咗擦美國民主黨鞋啫。「Stephen Leung」就話：「民主黨飯真係好食，食到你要不斷出嚟護航。」「Nling Au」話：「美國總統大選舞弊你唔講嘅？」 ●香港文匯報記者 黃書蘭