好多「黃絲」都話移民英國係為咗「下一代」喺一個「自由」嘅地方成長，講到英國好似成個人才自動生產基地咁。有上世紀九十年代同屋企人一同移民英國嘅「英格蘭中部全職煮婦」就喺網上現身說法，話教育細路仔最重要嘅係父母們以身作則，用自己嘅言行令佢哋養成正確價值觀，唔係話帶咗吤h乜所謂「自由」嘅地方就一切解決晒。
「英格蘭中部全職煮婦」分享咗上世紀九十年代自己一家人移民英國嘅經歷，講咗兄弟姐妹如何喺父母嘅教育下，慢慢融入當地，當中結合幾代人嘅辛苦付出。
??家好多「黃絲」對香港唔滿意，以為去咗英國天都光晒，小朋友未來一定好過喺香港，一定成為一個有質素嘅國際型人才。「英格蘭中部全職煮婦」呢個過來人就話，其實移民真係唔係一時嘅事，特別係有細路仔嘅家庭，希望佢哋將來目光狹窄、坐井觀天，定係有宏大理想，重要嘅係家長現在嘅行為表現，「唔係話帶咗吤h自由嘅地方就一切都解決㗎！」
網民「Mc Dull」就話：「說中了，完全正確。」「Victor Li」就覺得：「小朋友如果係有料既（嘅），去到邊都可以讀到書，最重要係教育佢地（哋）懂得怎樣面對及解決問題，學懂待人接物也很重要。現今小朋友太溫室了。」 ●香港文匯報記者 杜思文